Согласно член 22 став (1) од Законот за проширена одговорност на производителот за управување со посебните текови на отпад, Бис Оил ДОО Скопје како увозник на познати брендови на моторнии и други масла, на ден 12.12.2023 основаше Друштво за санација и останати услуги за управување со отпад БИС ОИЛ-ГРЕЕН ЛИНЕ ДООЕЛ Скопје, како самостоен постапувач за управување со посебен тек на отпад, односно управување со отпадно моторно и други автомобилски и машински масла.

БИС ОИЛ-ГРЕЕН ЛИНЕ ДООЕЛ Скопје на 19.04.2024 година се здоби со Дозвола за самостоен постапувач за постапување со отпад од отпадни масла со број УП1-11/2-436/2024, додека БИС ОИЛ ДОО Скопје на 23.07.2024 година се здоби со Лиценца за вршење на дејност за управување со отпад (собирање и транспорт на опасен отпад) број УП1-11/2-1373/2024

Овој голем чекор за BIS Group претставува доказ за нашата посветеност да се придржуваме кон сите релевантни закони и регулативи за управување со отпадните масла, активно соработувајќи со регулаторните тела за да ги надминеме стандардите за усогласеност и да промовираме најдобри практики во индустријата

Додека го славиме овој нов успех, остануваме посветени на одржливо управување со отпадните масла преку иновативни и еколошки одговорни решенија, намалувајќи го влијанието врз екосистемите и заедниците. Со користење на најсовремена технологија и етички практики, целта е да придонесеме за чиста и здрава планета, додека одговорно ги зачувуваме природните ресурси.